Sərbəst və yunan-Roma güləşi üzrə XV Universiada keçirilib
14-15 noyabr 2023-cü il tarixində Azərbaycan Həmkarlar İttifaqı Konfederasiyasının, Azərbaycan Elm və Təhsil Nazirliyinin dəstəyi və Gənclik Tələbə İdman Cəmiyyətinin təşkilatçılığı ilə Ümummilli lider Heydər Əliyevin 100 illiyinə həsr olunmuş sərbəst və yunan-Roma güləşi üzrə ali təhsil müəssisələri arasında XV Universiadanın proqramına daxil olmuş yarış keçirilib.
Tədbir Universiadaya təşkilatı dəstək verən Azərbaycan Memarlıq və İnşaat Universitetinin İdman Kompleksində baş tutub. Əvvəlcə yarışların açılış mərasimi keçirilib. Mərasim dövlət himni ilə başlayıb. Daha sonra Ulu öndər Heydər Əliyevin və Vətən uğrunda canlarından keçmiş bütün şəhidlərin xatirəsi yad edilib.
Yarışın təşkilatçıları tələbə idmançılara uğurlar arzu edib. İki gün keçən mübarizədə 100-dən çox tələbə idmançı öz qüvvəsini sınayıb. Yarışların nəticəsinə görə hər iki növdə komanda hesabında Azərbaycan Memarlıq və İnşaat Universitetinin pəhləvanları qalib olublar. 2-ci, 3-cü yerləri isə müvafiq olaraq Azərbaycan Dövlət İqtisadiyyat və Azərbaycan Texniki Universiteti bölüşüblər.
Sonda yer tutmuş idmançılar təşkilat komitəsi tərəfindən diplom və medallarla təltif olunublar.
-
ASAPES-də "Basics to spesifics" kitabının təqdimatı keçirilib
...
-
Kooperasiya Universitetinin bağlanacağı iddiası ilə bağlı - Açıqlama
...
-
Emin Əmrullayev onu müdir təyin etdi
...
-
Tələbələr hansı hallarda ali təhsil müəssisəsindən xaric ediləcəyi məlum olub
...
-
GDU-dakı qanunsuzluğa nə vaxt son qoyulacaq? - ŞİKAYƏT
...
-
Müəllimlərə şad xəbər - Yenilik
...
-
Kəlbəcərdə müasir məktəb binası tikilir - Video
...
-
Emin Əmrullayev “Yüksəliş”in qalibləri ilə görüşdü - Fotolar
...
-
Keyfiyyətli təhsil olmadan heç bir ölkənin gələcəyi ola bilməz
...
-
ASAPES-də prorektor vəzifəsinə yeni təyinat olub
...