Ağdamın azadlığa qovuşması və bərpası Prezident İlham Əliyevin siyasətinin təntənəsidir  

Prezident İlham Əliyev Azərbaycan xalqını dünyaya yenidən qürurlu xalq, döyüşkən xalq, itirilmiş torpaqlarını qaytaran xalq kimi təqdim etmişdir. O. yeni ordu qurdu, ordumuzu ən yeni silahlarla silahlandırdı, yeni vətənpərvər gənclər nəsli yetirdi, XXI əsrin müharibəsini apararaq ən yeni taktika və strategiya tətbiq etdi. Bu gün hətta dünyanın güc mərkəzləri də İkinci Qarabağ müharibəsindəki taktikadan öyrənir. Dövlət başçımız  Ermənistanı təkcə hərb meydanında darmadağın etmədi, diplomatiya sahəsində, informasiya müharibəsində də biabırçı məğlubiyyətə uğratdı, informasiya müharibəsinin yeganə baş qəhrəmanı oldu.

        Cənab İlham Əliyevin qətiyyət, iradə, əzm, milli ruh və yüksək idarəçilik dəyərləri və rəhbərliyi, xalqımızın vətənpərvərlik duyğularının birgə həmrəyliyi ilə Azərbaycan ordusu tarixinin ən şanlı və şərəfli qələbəsini qazanmış olub. Ötən illərdə  Ağdama səfər zamanı bir daha əyani şəkildə gördük ki, xalqın rəğbəti, məhəbbəti və dəstəyini qazanmaq hər bir ölkə başçısı üçün ən böyük mükafatdır. Hər zaman xalqın dəstəyinə arxalanan Prezidentimiz xalqın məhəbbətinə layiq görülüb. İşğaldan azad olunmuş bölgələrdə qəhrəman Prezidentini qarşılayan qalib xalq öz sevgi və etimadını nümayiş etdirir. Bu isə onu göstərir ki, bütün dövrlərdə və yaşanan hadisələrdə Prezidentin seçimi xalqın yanında olmaqdan ibarət olub.

       Bölgələrdə Prezident İlham Əliyevin izdihamla qarşılanmasının ölkəmizdə yaşanan xalq-iqtidar birliyinin təcəssümü olduğunu vurğulayarkən deməliyik ki, xalqın dəstəyi dövlətin tükənməz gücünün mənbəyidir. Hamını birləşdirən Vətən müharibəsindəki qələbəmiz milli birliyin nəticəsidir.

        Xalqın qələbə və tarixi ədalətin bərpa olunması ilə bağlı arzularının reallaşması milli birlikdən keçib. Prezident İlham Əliyevin işğaldan azad olunmuş ərazilərə növbəti səfəri də qələbənin rəsmiləşdirilməsi deməkdir.       İndi budur, işğaldan azad olunmuş ərazilərdə infrastruktur layihələri sürətlə icra olunur. O cümlədən Ağdam yeni həyatına qayıdır. Keçmiş məcburi köçkünlərin öz torpaqlarına qayıtması ilə bağlı keçirilmiş sorğuya görə əksəriyyət insanların həmin torpaqları görmədiklərinə baxmayaraq, bu torpaqlara geri qayıtmaq istəyini bildirməsi qürurvericidir. Bu cəmiyyətimizdə xüsusi mühit, qürur hissi, qələbə hissi, ədalətin bərpa olunması hissi, xalqın ləyaqət hissinin bərpası hisslərini formalaşdırır ki, bunlar ölçüyəgəlməz hisslərdir. Bir-iki ildən sonra Ağdamın Xıdırlı, Kəngərli və Sarıcalın kəndlərində bir neçə min insan yaşayacaqdır.

        İki əsrlik Qarabağ münaqişəsini uğurla həll edən Müzəffər Ali Baş Komandana, Azərbaycan xalqını ən ülvi arzusuna çatdıran əsl xilaskarsımıza eşq olsun!

Simran Əlizadə,

Cəlilabad Rayon İcra Hakimiyyəti başçısının

Şiləvəngə kənd İnzibati Ərazi Dairəsi üzrə nümayəndəsi