“Rektor Kuboku”nun açılış mərasimi keçirilib
Ümummilli Lider Heydər Əliyevin 100 illik yubileyinə həsr olunmuş idman gimnastikası üzrə “Rektor Kuboku”nun açılış mərasimi keçirilib.
Milli Gimnastika Arenasının köməkçi zalında reallaşan tədbirdə əvvəlcə Ulu Öndərin idman sahəsinə verdiyi töhfəni əks etdirən videoçarx nümayiş olunub.
Ardınca Azərbaycan Dövlət Bədən Tərbiyəsi və İdman Akademiyasında (ADBTİA) təhsil alan tələbələrdən ibarət “Kəlbəcər”, “Cəbrayıl”, “Ağdam”, “Şuşa”, “Füzuli”, “Xocalı”, “Zəngilan”, “Laçın” və “Xankəndi” komandalarının gimnastları zala dəvət edilib.
Dövlət Himninin səsləndirilməsi ilə davam edən tədbirdə torpaqlarımızın azadlığı uğrunda canlarını qurban verən şəhidlərin əziz xatirəsi bir dəqiqəlik sükutla anılıb.
ADBTİA-nın rektoru Fuad Hacıyev Prezident İlham Əliyevin idmana göstərdiyi diqqət və qayğı nəticəsində ölkəmizdə bir çox yarışların uğurla təşkil olunduğunu bildirib. O, bu turnirin Ulu Öndər Heydər Əliyevin 100 illik yubileyinə həsr olunmasının xüsusi məna kəsb etdiyini diqqətə çatdırıb.
Rəsmi çıxışdan sonra açılış mərasimi bədii hissə ilə davam etdirilib.
Daha sonra “Kəlbəcər”, “Cəbrayıl”, “Ağdam” komandalarının gimnastları sərbəst hərəkətlər, halqalar və müxtəlif hündürlüklü qollarda çıxış ediblər.
Qeyd edək ki, yarış Azərbaycan Gimnastika Federasiyası və Azərbaycan Dövlət Bədən Tərbiyəsi və İdman Akademiyasının birgə təşkilatçılığı ilə keçirilir.
-
Bakı Marafonunun qalibləri müəyyənləşdi - Foto
...
-
"Prezident Kuboku 2024"ün bağlanış mərasimi keçirilib
...
-
Azərbaycan “Prezident Kuboku 2024” beynəlxalq reqatasını doqquz medalla başa vurub - FOTOLAR
...
-
Fərid Qayıbov: "Əminəm ki, növbəti Olimpiya Oyunlarına lisenziya qazanan avarçəkənlərimizin sayı daha çox olacaq"
...
-
“Prezident Kuboku 2024”: ikinci gündə üç medal - FOTOLAR
...
-
"Prezident Kuboku-2024" beynəlxalq reqatasında ikinci günə start verildi
...
-
Azərbaycanın minifutbol millisi beynəlxalq turnirin qalibi oldu
...
-
"Prezident Kuboku 2024" beynəlxalq reqatasında ilk günün qalibləri mükafatlandırılıb
...
-
AMADA təmiz idman təbliğatını Suqovuşanda davam etdirir
...
-
Dünya Kuboku növbəti dəfə Bakıda!
...