"Qürurla irəli” şüarı ilə Xankəndi–Bakı ultra marafonu keçiriləcək - İLK DƏFƏ

13:24 08-02-2024 | icon 1001

İlk dəfə Xankəndi–Bakı ultra marafonu keçiriləcək.

 

Gənclər və İdman Nazirliyindən verilən məlumata görə, fevralın 29-da Xankəndi şəhərindən start götürəcək ultra marafon iştirakçıları 380 kilometr məsafə qət edərək finişə Bakıda çatacaqlar.

 

Nazirliyin Azərbaycan Atletika Federasiyası ilə birgə təşkil edəcəyi yarış “İdman həftəsi” və “Yaşıl dünya naminə həmrəylik ili” çərçivəsində keçirilir.

 

Ultra marafon iştirakçıları Xankəndi-Yevlax (83 kilometr), Yevlax-Ucar (84 kilometr), Ucar-Hacıqabul (88 kilometr), Hacıqabul-Qobustan (70 kilometr) və Qobustan-Bakı (55 kilometr) mərhələlərini keçməklə martın 4-də Bakıya çatacaqlar. Hər mərhələnin qalibləri ayrılıqda təltif ediləcəklər. Ultra marafonun ümumi qalibləri isə baş mükafata layiq görüləcəklər.

 

“Qürurla irəli” şüarı ilə keçiriləcək ultra marafonda 18 yaşdan yuxarı hər kəs iştirak edə bilər.

Digər xəbərlər

0.29622602462769