"Futbol tariximizə qızıl səhifələr yazıldı" - "Qarabağ"ın xanım azarkeşi

19:15 16-02-2024 | icon 939

Dünən "Qarabağ"ın "Braqa" üzərində səfər qələbəsi çoxlarında böyük coşqu yaratdı. "Köhlən atlar"ın sadiq azarkeşlərindən olan Sevinc Məmmədovanın da sevincinin həddi-hüdudu yox idi. Zərif cinsin nümayəndəsi hislərini Azeripress.az saytına açıqladı: 

 

"Adətən "Qarabağ"ın oyunlarından əvvəl çox iddialı danışan, komandamıza hədsiz güvənən biriyəm. Rəqibin kimliyindən aslı olaraq bu iddialı fikirlərim artıb, azalır.

Ancaq dünənki oyun və nəticə mənim bütün iddialı fikirlərimdən, gözləntilərimdən, xəyal etdiklərimdən də üstün oldu. Nə qədər pozitiv düşünməyə çalışsam da Avropa Liqası kimi mötəbər turnirin 1/16 mərhələsində Portuqaliya nəhənginə qarşı səfərdə belə oynayacağımız, 2:4 hesabıyla qələbə qazanacağınız ağlıma da gəlməzdi. Fikirlərimi sözlə ifadə etməkdə çətinlik çəkirəm. 

Həqiqətən də "Qarabağ" möhtəşəmdi. Qurban Qurbanov elə komanda qurub ki, adam danışmağa söz tapmır. Çox şanslıyıq ki, bu "Qarabağ" bizim komandmaızdı. Çox şanalıyıq ki, bu günləri "Qarabağ"la birlikdə yaşayırıq. 

Şərh vaxtı Şəmsəddin Abbasov efirdə dedi ki, haçansa nəvələrimə danışacağım bir matçdı. Doğrudan da, futbol tariximizdə gələcək övladlarımıza qürurla danışa biləcəyimiz qızıl səhifələr yazıldı. Biz də buna şahid olduq". 

 

ABDULLA İSMAYILOĞLU


Digər xəbərlər

0.28526401519775