Tramp və Navarronun çıxışı “güclü dollar”ın gələcəyinə şübhə yaradıb
ABŞ prezidenti Donald Tramp və onun iqtisadi müşaviri Piter Navarro əsas ticarət tərəfdaşı olan Almaniya, Yaponiya və Çini valyutalarını devalvasiya edərək amerikalı istehlakçılara və şirkətlərə zərər vurmasında ittiham ediblər.
Oxu.Az-ın xəbərinə görə, bu barədə Report “Reuters”-a istinadən məlumat verir.
Məlumata əsasən, dünən, yanvarın 31-də Ağ Evdə Trampın əczaçılıq şirkətləri ilə keçirdiyi iclasdan sonrakı açıqlamaları və Navarronun qəzetlərə verdiyi müsahibə yeni ABŞ hökumətinin “güclü dollar” dövrünü bitirmək istədiyini göstərib. Onlar Klinton administrasiyası dövründə başlayan və indiyədək davam edən siyasəti dəstəkləmədiklərini qeyd ediblər.
Tramp və Navarronun açıqlamaları maliyyə bazarlarında dünya ticarətinin gələcəyi ilə bağlı narahatlıqlar yaradıb və dolların məzənnəsi avro və yenə qarşı enib. Dolların ucuzlaşması P.Navarronun “Financial Times”a verdiyi müsahibəsində avronun “gizli alman markası” olduğunu bildirməsi ilə başlayıb.
Daha sonra isə Tramp açıqlamalarında bütün ölkələrin devalvasiya ilə yaşadığını bildirib: “Çinin, Yaponiyanın nə etdiyinə baxırsan, onlar valyuta bazarı ilə, devalvasiya ilə oynayır. Biz isə bir topa axmaq kimi oturmuşuq”.
Report-un analitik qrupu Tramp və Navarronun açıqlamalarını təhlil edərək bildirir ki, hazırda ABŞ dollarının ucuzlaşması yalnız dollar likvidliyinin artması şəraitində mümkündür: “Bunun üçün isə dünya iqtisadiyyatının sürətli artması və ABŞ-da fazilərin azaldılması zəruridir. Bu səbəbdən dolların kəskin möhkəmlənməsi imkansızdır. Bu açıqlamalar yalnız dünya ticarəti həcminin yavaşlamasına səbəb olaraq iqtisadi artım sürətini azalda bilər”.
N.О.
-
“Nar”dan sərfəli smartfon təklifi - Fotolar
...
-
“Bakcell” ilə innovasiya və həyəcan dolu bir dövr başladı!
...
-
“Nar” voleybol üzrə ölkə çempionlarını təbrik edir
...
-
Azərbaycanda elektron siqaretlər qadağan oluna bilər
...
-
“Nar” Füzulidə yerləşən məktəbə yeni kitablar hədiyyə etdi
...
-
Neftimizin qiyməti 88 dollara düşdü
...
-
“Yelo Bank” birinci rübü 14 milyon manat xalis mənfəətlə yekunlaşdırıb
...
-
Neftimizin qiyməti 92 dollara düşdü
...
-
Azərbaycanın ticarət etdiyi ölkələrin - Siyahısı
...
-
COP29 Bakı Olimpiya Stadionunda keçiriləcək
...